2017-imi juuli ilanngullugu aalisakkat qaleruallillu tunisat
2017-imi qaammatini arfineq marlunni siullerni kinguppaat, qalerallit saarulliillu tunisat siorna taamaalineranut tunisanut naleqqiullugit ikileriarput. Tamakku ilaatigut nittartakkatta kisitsisaataasiviani ullumi saqqummersumi takuneqarsinnaapput.
Nunami tunitsivinnut tunisat saniatigut umiarsuarnut qalerallit tunisat 2017-imi juuli ilanngullugu ima agguataarneqarput: Qeqertarsuup tunua: 376 ton, Uummannaq: 706 ton aamma Upernavik: 515 ton.
Tunisat qaammatini arfineq marlunnik siullerni 2014-imiit 2017-imut suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik http://bank.stat.gl/FIN001
Kisitsisaataasivik:
Kisitsisaataasivimmi periarfissaqarpoq tulaasukkat annertususiisa ineriartornerannik tamatumallu suussutsit ataasiakkaat akiinik paasissutissanik aallersinaanermut, qaammatikkaartumik kommuneqarfikkaartumillu 1987-imiit juuli 2017 ilanngullugu.
Allanik immikkut paaserusutaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.